Merkatariek eta ostalariek erabiltzen dituzten kartelak, menuak, oharrak, faktura takoak... baliabide horiek guztiak euskaraz eskaintzea da kanpainaren helburua. Bisitak egin beharrean, aurten web atariaren bitartez eskainiko dute zerbitzua.
Erabiltzeko bi modu daude
UEMAko atarian daude ikusgai kartelak eta irudiak. Bi modutara erabil daiteke: bertan dauden euskarriak deskargatu eta inprimatu ditzake erabiltzaileak; edo, formulario bete eta establezimenduan jaso ahal izango dituzte euskarriak, plastifikatuta.
Pertsonalizatzeko aukera
Orain arte moduan, oharrak pertsonalizatzeko aukera ere egongo da, eta baita norberak nahi duen irudia erabiltzeko aukera ere.
Informazio gehiago nahi duenak Aramaioko udaletxean eska dezake edo euskara@aramaio.eus helbidera idatzi dezake.
