Beste behin ere apurketak egin dituzte Aramaioko San Martin eskolan. Asteburuan izan da gertaera: kristalak apurtu dituzte eta horrez gain, jangelan eta haur eskolan sartzen ahalegindu dira.
Ez da eskolan apurketak egiten dituzten lehenengo aldia. Aramaioko Udalak gertaera "larritzat" jo du, eta "gogor salatu" nahi du gertatu dena.
Eskatu dute gertatu denaren inguruko informazio izan dezakeena Udalarekin harremanetan jartzeko. Bestetik, segurtasun gehiago nola jarri aztertzen ari direla nabarmendu dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.