Udalaren azkeneko osoko bilkuran, Ibarrako hiri berrikuntzako plan bereziari hasierako onarpena eman zitzaion. Hala, dagoeneko argitaratu dute Arabako aldizkarian, eta, hori horrela, udaletxean ikusgai dago plana.
Azaroaren 9ra arte egongo dira ikusgai Ibarrako hiri berrikuntzako plan bereziaren nondik norakoak udaletxean. Udaletxeko bulego ordutegian joan beharko da plana ikustera eta alegazioak egitera. Goizez 09:00etatik 14:00etara eta eguazten arratsaldeetan 16:30etik 18:30era bitartean.
Kontsulta daitezkeen hainbat dokumentu jarri dituzte ikusgai herritarren eskura –Aramaio.eus atarian ere kontsulta daitezke–: Ibarrako birgaitzerako plana-memoria, planoak, hizkuntza inpaktuaren ebaluazioa, generoaren araberako ebaluazioa eta arau partikularra.