Gaur, barikua, feminismoaren inguruko hitzaldia eskainiko du Jeanne-Rolande Dacougna Minkettek kultura etxean, 18:00etan. Feminismos negros izango da hitzaldiaren gaia eta, bereziki, Afrikako emakume migratzaileen gizarte-egoerari buruz hitz egingo du. Feminismoan ikertzailea, hezitzailea eta aktibista da Dacougna.
"Martxoaren 8aren bueltan egin beharreko hitzaldia zen, baina egoerak hala behartuta atzeratu egin genuen", dio Cristina Etxenausia zinegotziak. Feminismo beltza, kolonialismoaren ostekoa, Afrikako feminismoa eta Euskadiko emakume arrazializatuen agendaren gainean hitz egingo du Dacougnak.
Hitzaldi huts bat baino harago joango den ekitaldia izango da: hizlariak elkarrizketarako gune bat sortuko du bestelako feminismo batzuk ere plazaratzeko