Bi dirulaguntza lerro zabaldu ditu Udalak.
2019-2020 ikasturtean zehar euskara ikasi dutenek dirulaguntza eskatzeko aukera izango dute. Horretarako ezinbestekoa izango da asistentzia ziurtatzea –%80tik gorakoa–; horrez gain, ordaindu duten matrikularen ziurtagiria ere aurkeztu beharko dute. Eskaera orria bete beharko dute udaletxean aurkeztu.
Bestalde, 2020 urtean herriko denda edo komertzio bateko errotulazioa euskaraz jartzeagatik ere laguntzak emango dituzte. Horretarako, egin duen gastuaren agiria aurkeztu beharko da eta baita egindako lanaren froga ere –argazkia, adibidez–. Eskaera orria udaletxean aurkeztu beharko da.
Euskara sustatzeko dirulaguntzen oinarriak hemen ikus daitezke.
