50 lagun inguruk hartu dute parte irteeran. Gehienezko kopurua bete eta 80k eman zuten izena, baina gutxixeago izan dira, azkenean, animatu direnak.
20,6 kilometroko ibilbidea izan du martxak: Cuatrovientos aldetik Lurgorrira hartu dute, eta handik Tellamendi, Zabalaundi eta Lezia pasa dituzte, Orixolera iritsi aurretik; eta Arrikoititik jaitsi dira Ibarrara.
Ezustekorik izan ez dela-eta, parte-hartzaileak gustura geratu direla jakinda, pozik agertu dira amaieran Orixolekoak.