Orain arte egin izan denaren kontra, aurrerantzean ezingo da pilotalekua modu librean erabili. Hala ere, pilotalekuak duen erabilera kontuan hartuta Udalak berau erabiltzeko bi modu eskaini ditu.
Batetik, ikasturte osorako erreserba egiteko aukera dago Udaletxean bertan. Baimena eskatzeko azkeneko eguna irailaren 25a, egubakoitza, izango da. Edonork egin dezake ikasturte osorako erreserba. Ez da zertan taldea edo federatua izan behar aukera hori hartzeko.
Bestetik, aurrez ordua eskatzeko aukera egongo da. Horretarako, kirol arduradunekin harremanetan jarri eta eskaera egin beharko da: lekua egonez gero, pilotalekua erabiltzeko aukera egongo da. Libre geratzen diren orduak ondorengoak dira: astelehenean 17:00etatik 18:00etara; eta, egubakoitzetan 17:00etatik 21:00etara.