Aitor Aranaren omenezko 24. mendi ibilaldia egingo dute irailaren 26an, zapatua. Osasun egoerak baldintzatutako mendi ibilaldia izango da. Besteak beste, irteera mailakatua izango du martxak. Irteera 8:00etan izango da –7:30erako kiroldegian egotea eskatu dute–, eta bi minuturo 10 laguneko taldeak irtengo dira.
Horrez gain, maskara erabili beharko da anoa postuetan; aldagelak ez dira erabilgarri egongo; bi metroko distantzia mantendu beharko da; eta, gel hidroalkoholikoa erabili beharko da.
Izena aurrez eman behar da ondoko atarian. Egoerak baldintzatuta 80 lagunendako lekua egongo da. Izen-ematea 5 euro izango da.