Traktoreen azterketa teknikoa Aramaion bertan pasatzeko aukera egongo da, azkeneko urteetan bezala. Bi hitzordu jarri dituzte: irailaren 17an, eguena, Arbelen egingo dute azterketa, 11:30ean hasita; eta, irailaren 23an, eguaztena, 9:15ean Oletan izango dira azterketak egiten.
Eraman beharrekoa
Traktorea goitik behera aztertuko dute: balaztak, direkzioa, pneumatikoak, suspentsioa, motorra, egindako berrikuntzak, kanpoko eta barruko argiztapena…
Azterketara ondoko dokumentazioa eraman beharko da: fitxa teknikoa, zirkulazio baimena eta aseguruaren ordainagiria.
