Guardiaren aurkako kanporaketa gaindituta, Aramaiok finalerdiak jokatuko ditu herriarteko txapelketan. Barikuan, uztailaren 24an izango dira partiduak, Amurrion, 18:00etan hasita.
Aramaiok Amurrio izango du aurrean. "Kanporaketa zaila izango da, Amurrio talde indartsua delako. Hala ere baditugu aukerak eta gu irabaztera irtengo gara", azaldu du pilota elkarteko kide den Heriberto Arriolabengoak. Kadete mailako lehia irabazteko modua dela dio, gazte mailakoa berdintsua izango dela eta zailena senior mailako norgehiagoka ikusten du Arriolabengoak.
Guardia hartu zuten mendean
Zapatuan Aramaioko pilotalekuan jokatutako partiduetan Guardia hartu zuten mendean aramaioarrek. Kadete mailan 22-9 nagusitu zen etxeko bikotea; gazte mailan 22-8 izan ziren nagusi aramaioarrak; eta, seniorretan 8-22 galdu zuten etxekoek.