Uemak antolatu duen Bertatik bertara kanpainak udalerri euskaldunek euren baitan biltzen duten aberastasuna ikusaraztea eta aldarrikatzea du helburu. Udalekin eta zerbitzu sektoreko eragileekin batera, herritarrak eta bisitariak sentsibilizatzeko ekimena izango da abian jarri dutena.
Aramaiok ere bat egin aldarriarekin; hala, herriko hainbat establezimendutan ikusi ahal izango da Gure herria, gure hizkuntza eta gure produktuak aldarrikatzen duen irudia. Kanpainaren lehen urratsa udako lehen hilabeteetarako prestatu du Uemak. Jatetxe, taberna eta ostatuetan otorduren bat egiten duen edonork mahai gainean ikusi ahal izango duen mantela izango da; eta udal eraikinetan eta dendetan ikusgai egongo diren kartelak, herritarrak eta bisitariak kontzientzia har dezaten.