San Martin jaien ospakizunetan murgilduta egon beharko lirateke aramaioarrak asteburu honetan, baina COVID-19ak eraginda bertan behera geratu dira festak. Hala ere, herria girotzeko asmotan, hainbat ekitaldi antolatu dituzte, horien artean gaur arratsaldean ospatu duten Green grass jaialdia. Parkean egin duten festibalean, herriko abeslariak izan dira nagusi eta eguraldia lagun, herritar ugari bertaratu dira; Maria eta Manex, Idoia Asurmendi, eta Nhil Bandeko kide diren Sara Alonso eta Beñat Arrieta eskoriatzarra aritu dira taula gainean.
