Arabako Foru Aldundiak argitaratu ditu garraiorako ematen dituen dirulaguntzei buruzko oinarriak. Aramaiotik kanpo ikasten duten ikasleei zuzenduta daude laguntzak –unibertsitate ikasketak edo prestakuntza zikloak ikasten dituztenei–.
Uztailaren 1etik 24ra bitartean eskatu beharko dira laguntzak, leku hauetan: Gazteriaren Foru Erakundearen bulegoan; Aldundiarekin hitzarmena daukaten udal erregistroetan; Laudioko eta Guardiako bulegoetan –hitzordua eskatuta–; edo, telematikoki, egoitza elektronikoan.
Lotura-taxia martxan da
Bestalde, dagoeneko martxan da garraio erregularrarekin eta herrigune nagusiekin lotura-taxia eskaintzen duen zerbitzua. Ezinbestekoa da aurrez erreserba egitea –aurreko eguneko 20:00ak arte–: 945 18 20 60 edo araba.eus/alavabus atarian. Egunero ematen du zerbitzua.