Herriko boluntarioek, doako laguntza emateko prest dauden pertsonek osatu zuten taldea, eta Udalarekin koordinatuta ari dira. Batez ere zaurgarrien izan daitezkeen giza-taldeei begira, hala nola, jende nagusia, laguntza eskaintzen dute, erosketak egiteko –elikagaiak, botikak...–; Ibarrarako zein auzoetarako da eskaintza, pertsona haiek etxetik atera ez daitezen. Bestalde, umeak zaintzeko ere eska daiteke laguntza; eta beste edozer dela-eta ere, deitzera animatzen dituzte aramaioarrak: 649 99 57 51 da telefono zenbakia.
Bestalde, kirol ekintzak ere bertan behera geratu direla-eta, GAP, pilates eta mantenu gimnasiako irakasleek Youtuben jarriko dituzte bideoak, bakoitzak bere etxean egin ditzan ariketak –Udalak ere bere webgunean txertatuko ditu–.
Eta beste ohar batzuk: autobusak ordutegi berria du eguenetik; abeltzainek euren jarduna egiaztatzeko dokumentazioa eraman dezatela abereengana doazenean; eta, egutegiari jarraiki, traste zaharrak eta zabor handiak bihar, barikua, jasoko dituzte –gaur gauean atera behar dira; auzoetakoek aurrez deitu behar dute 945-29 03 90 zenbakira–.