Zenbait herritarrek Udalari berri eman diote Gasteiztik Arrasatera 19:55ean iritsi behar duen autobusa batzuetan beranduago iristen dela eta, ondorioz, 20:00etan Arrasatetik Aramaiora ateratzen dena galdu egiten dutela.
Hori dela-eta, bigarren autobus horren irteera ordua apur bat atzeratzeko eskatuko dio Udalak Arabako Aldundiari.
Bestelako kexa edo iradokizunik izanez gero, posta elektronikoz edo telefonoz eurei jakinarazteko eskatu dute Udaletik. Horrez gain, herritarrei jakinarazi nahi diete tarteko geltokietan eskua jaso behar dutela, Aramaiora doan autobusa geldi dadin.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.