24 urterekin egin zen abade eta sei bat urtez Ekuadorren ere izan zen. Aramaio zuen bihotz barru-barruan, eta beti bizi izan zen haren inguruan.
Aramaioko ondarea jasotzeko lan asko egin zuen eta herriaren gaineko hainbat liburu idatzi zituen, besteak beste, Ermitas y caminos del Valle de Aramaiona (1986), Aramaioko udaletxea (1988), eta Ayer y hoy del Valle de Aramaiona (1989). Ahotsak.eus webgunean hark kontatutako hainbat istorio jaso zituzten. Aramaioko seme kuttun izendatua zuen Udalak.
Haren lobak zehaztu du Aramaioren alde lan asko egin zuela eta gizon handia izan zela: "Bertako ondarea eta istorioak jaso gura izan zituen, eta herriko kontuetan oso inplikatua. Beti zegoen laguntzeko gertu; bihotz handiko gizon zintzoa izan zen".