Gorbeialdeko gazteentzako lehiaketan bakarka edo taldean –lau lagun, gehienez– hartu daiteke parte. Proba erraz eta dibertigarriak argitaratuko dituzte astero Instagramen, eta lehiaketaren helburuak dira: euskararen erabilera ludikoa sustatzea; sare sozialetan eta Interneten euskara erabiltzeko aukerak ezagutaraztea eta Gorbeialdeko kultura eta ahozko hizkuntza ondarea gizarteratzea; eta gazteengan euskarazko kultura edukien erreferentzia indartzea.
Lehiaketan izena emateko hainbat bide daude: go.ginkana@gmail.com, 663 08 37 36 eta gorbeiagaztelehia –Instagram–. Otsailaren 14ra arteko epea dago; hilaren 17an hasi eta lau astez argitaratuko dituzte probak.
Sariei dagokienez, 600 euroko baliodun bonuak izango dira: 300 eurokoa izango da lehen saria, eta 200ekoa bigarrena; horrekin batera, 100 euroko sari berezi bat zozketatuko dute parte-hartzaile guztien artean. Martxoaren 23an argitaratuko dute irabazlearen izena.