Udal langileek greba egingo dute, eta udaletxearekin batera itxita egongo dira kultura etxea eta kiroldegia ere. Udalari dagokionez, bihar egitea tokatzen zen hileroko osoko bilkura ez da egingo.
Eskolari dagokionez, irakasleen %86,6k egingo du greba, sukaldarien erdiek eta jangelako begirale eta eskolako garbitzaile guztiek. Eskolako autobusari dagokionez, ibilbide bakarra egongo da: Gantzaga-Arexola-Zubieta.
Osasun zentroan, medikuak eta erizainak lan egingo dute, eta farmazia ere zabalik egongo da.
Komertzioei dagokienez, Kinttelena itxita egongo da –biltegian ere greba egingo du Arbelek–, eta baita harategia, arrandegia, okindegia eta ekonomatua ere.
Garraio arloan, herrian zerbitzua ematen duen Arriaga enpresatik adierazi dute autobusek ohi bezala lan egiteko asmoa dutela.
Mobilizazioei dagokienez, 11:00etan egin dute hitzordua kultura etxe parean, Arrasateko manifestaziora joateko.