80 parte-hartzaile ingururekin estreinatu da Aramaioko Mendi Duatloia; euriari, lokatzari eta giro deserosoari aurre egin dioten 80 ausartekin.
Egunotako eguraldiak eragindako kalteengatik antolatzaileek azken orduan ibilbidea zerbait moldatu behar izan badute ere, hasierako planteamendua ez da aldatu: kirolariak korrika abiatu dira Untzillako plazatik Murugainera eta gero, handik jaistean, bizikletaren pedalei eman behar izan diete zirkuituaren azken kilometro eta erdia korrika amaitu eta helmugara heltzeko.
Iñigo Alzola arrasatearrak eta Iker Eskibel eskoriatzarrak osatutako bikotea izan da helmuga zeharkatzen azkarrena, ordu bat, 26 minutu eta 14 segundoko denbora eginaz. Bakarka parte hartu duen lehen gizonezkoa Iñaki Isasi arabarra izan da (1:34:30); eta lehen emakumezkoa, Maria Gomez errioxarra (2:10:10).
Lehenengoarekin, gustura
Antolakuntza taldeko kide Ander Agirre pozik agertu da Aramaioko I: Mendi Duatloiak emandakoarekin: " Badaude hobetzeko gauzak, baina lehenengo aldia izateko ondo joan dira gauzak. Inork ez du minik hartu, eta hori asko baloratzen dugu. Ibilbidean ere inor ez da galdu. Lana ondo egin dugu, eta gustura geratu gara". Partaide kopuruarekin ere gustura agertu dira, eta zentzu horretan, eskerrak gura izan dizkie parte hartzera animatu diren inguruko herrietako kirolariei.
Sailkapena
Gizonezkoa
- Iñaki Isasi (1:34:30)
- Eneko Gurrutxaga (1:35:51)
- Jon Aperribai (1:36:06)
Emakumezkoak
- Maria Gomez (2:10:10)
- Ane Beraza (2:27:29)
Bikoteak
- Iñigo Alzola eta Iker Eskibel (1:26:14)
Talde onena
Galarregi-Galdaratz
Debagoieneko gizonezko onena
Julen Zumalde (1:51:17)
Debagoieneko emakumezko onena
Ane Beraza
Debagoieneko bikote onena
Iñigo Alzola eta Iker Eskibel
