Atzo, zapatua, arratsaldean jokatu zituzten San Martin pilota txapelketako finalak, maila guztietan. Mailarik gorenean, kadeteetan, jokatu zuen bikote aramaioar bakarrak -Olaizolak eta Arriolabengoak-, eta Amurrioko Sanz eta Arauzo izan zituzten aurkari. Herrikoek irabazi zuten finala, 22-9 amaitu baitzen partidua.
Julen Olaizola txapeldunak adierazi duenez, partido polita izan zen atzokoa: "Lan ona egin genuen Arriolabengoa eta biok, gustora sentitu gara". Gaineratu duenez, garaipena lortzeaz gain "minik ez hartzea" zuten helburu, eta beraz, pozik daude lortutako emaitzarekin.