Hezkuntza ordezkaria bisitan, eta eskolako kideak gustura

Arabako Hezkuntza ordezkari Blanca Guerrero eskola bisitatzen izan zen martitzenean, ikuska-riarekin batera. Lanpostu zerrendako murrizketa dela-eta aurreko ikasturte bukaeran eta oraingoaren hasieran izandako gorabeherak tarteko, bertatik bertara ezagutu nahi izan du ordezkariak Aramaioko eskolaren lan egiteko modua. 

Eskolako kideek aprobetxatu zuten lanpostuekin eta beharrezko errekurtsoekin lotuta eurek egiten zituzten aldarrikapenak justifikatzeko, eta, Saioa Uriarte zuzendariaren arabera, lortu zuten euren helburua: "Adierazi zigun ikusi zuela eta ulertzen duela gure eskariak zilegi direla, eta bere eskuetan dagoena egingo duela agindu zuen"; izan ere, oraintxe hasten dira aurreikusten hurrengo ikasturterako eskolen beharrak. "Adi egongo gara", zioen.

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.