"Ederto joan da aurkezpena, Sastiña bete egin da", azaldu du Alex Mendikute argazkilariak. Hainbeste jenderen aurrean hitz egiteko "urduri" zegoela nabarmendu duen arren, Mendikute "pozik" dago liburuaren emaitzarekin eta baita aurkezpenarekin ere.
Aurkezpen ekitaldian Lierni Altuna alkateak hartu zuen hitza, eta ondoren Mendikutek eta Agirrek ideia nondik nora sortu zen azaldu zuten. Gainera, momentua aprobetxatu zuten kopla batzuk zuzenean abesteko Larraitz Arriolabengoa musikariaren laguntzarekin.
Liburua 20 eurotan salgai
Liburutegian, ekonomatoan eta Mendikutek berak izango ditu liburuak salgai. 20 eurotan salduko dituzte eta diruaren zati bat Aita Mari ontziarendako izango da.
92 argazki
Liburuak jasotzen ditu 2010etik 2017ra bitartean ateratako 92 argazki. Guztiak aramaioarrei eginak, eta Aramaion. Zuri beltzean dira argazkia. Argazki bakoitzak, Agirreren kopla bana du.