65.600 euro, hainbat inbertsio egiteko eta behar berrietarako

Mendi bizikletan lehian.

Uztailean egindako osoko bilkuran, aho batez onartu zuen udalbatzak 2018ko likidazio positiboa horretara bideratzea.

Dirua ondorengo gauzetarako izango da: udaletxeko fitxaketa sistema berria jartzeko (877,25); Pedro Ignazio Barrutia kalean, erreka kontra, hesi berria jartzeko (14.760,00); Arragako ur edangarri sarean berritze lanak egiteko (4.500,00); Bentamotz bideko "malda handi eta bihurgunedunean" hormigoia aldatzeko (6.500,00); arrapala mugikor berrirako (1.072,80); kultura etxerako armairuetarako (500,00); kultur etxerako hogei aulkitarako (850,00); kultur etxeko aretoko soinu ekipoaren berrikuspena eta konponketa egiteko (2.000,00); Uribarriko aparkalekuko bidea eta aparkalekua bera asfaltatzeko (18.460,06); Basautiko bidearen lehen zatia asfaltatzeko (10.106,53); jaietako agertokiaren toldorako (3.500,00); eta duatloia egiteko (2.500,00).

Mendiko duatloia, azaroan

Azaroaren 17an mendiko duatloia egingo da Aramaion. Untzillan hasi eta amaituko da, eta Muru eta Asensiomendi artean burutuko da. Banaka edo binaka parte hartu ahalko da. Izena emateko: Kirolprobak.com.