Sua egitea debekatuta, irailaren 22ra bitartean

Foru Agindua jarri du indarrean Aldundiak, eta ezingo da surik egin Arabako edozein motatako landa eremuetan, baso publiko zein pribatuetan, parke naturaletan, errepideetako atsedenguneetan eta aisialdirako parkeetan –barbakoa egonkor edota mugikorretan–; horrenbestez, Andramarin eta Marixekan horretarako prestatuta dauden tokietan ere ezingo da surik egin. 

Sua egiteak 1.000 euroko isuna ekar dezake, eta eragindako kalte eta galerak ordaindu beharra. Horrez gain, gaiaren inguruan Zigor Kodeak araututakoak ere aplikatu ahal izango zaizkie araua hausten dutenei.