Gorbeialdeko Bertso Eskolen Topaketa egin dute Aramaion, eta Murgiako, Zigoitiako, Legutioko eta Aramaioko bertako 14 urtez azpiko bertsolariek euren idatzizko bertsoak kantatu dituzte. 16 talde aurkeztu dira guztira, eta talde bakoitzean bi eta lau kide artean izan dira.
Hezkuntza araututik eta zenbait bertso eskoletatik bultzatuta, urtero egiten dute topaketa hau eskualdean –iaz ere Aramaion egin zuten–. Bertsolari dezentek hartu dute parte, eta ikustera ere etorri dira zenbait guraso, ia eserlekuak betetzeraino. Bukaeran, gainera, bat-batean abestera ausartu dira hainbat bertsolari.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
