Lehen aldiz antolatu dute, eta lan horretan ibili den Jon Herrartek dio hurrengo urtean ere izango dela; agian, aldaketaren batekin. Aurtengoak emandakoarekin, hori bai, gustura; hamasei bikotek hartu dute parte, eta "partidu politak ikusi dira". Ander Lopezentzat eta Endika Agirrerentzat izan da Iturrietako afaria –hori zen saria–.
Korrikaren bueltan antolatutakoen barruan zen jokatzekoa finala, baina finalera iritsi zen bikoteetako bat, Beñat Arregik eta Oihan Bideburuk osatutakoa, min hartuta zegoen, eta, ondorioz, partidua jokatu barik lortu zuten txapela Lopezek eta Agirrek.
Finalaren ordez, dena den, lagun arteko partidua jokatu zuten txapeldunek Julen Olaizola eta Mikel Balanzategiren kontra. Azken hauek irabazi zuten.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.