Cesar Manso eta Lierni Lekuona onenak, Aramaioko proban

Mireia Bikuña 2019ko mar. 31a, 14:56

Euskadiko Openeko bigarren proban gailendu dira Ciclo Sport eta Lezokuak taldetako ziklistak. Beste kategorietako irabazleak izan dira: Ander Biurrarena (kadetea), Mikel Olaetxea (juniorra), Ander Lekuona (master 30), Martin Goikoetxea (master 40), Ruben Glera (master 50),  Aitor Izkue (sub 23) eta Estibaliz Sagardoy (Scratch).

Cesar Mansok, Alexander Ordeñanak eta Aitor Izkuek lehia estua izan dute hasieratik. Lehen itzulia bukatu orduko tartea zabaldu dute lasterketa buruan. Ia elkarrekin egin dute proba osoa, Mansok, laugarren itzulian, erritmoa aldatzea erabaki duen arte. Orduan utzi ditu atzean Ordeñana eta Izkue. "Ez da tarte zabalegia izan, baina gai izan naiz, bukaerara arte mantentzeko", esan du bukaeran. Aitortu du ez zuela Aramaioko ibilbidea ezagutzen, baina asko "gustatu" zaiola. Gaurko garaipenarekin Euskadiko Openeko liderraren maillota jantzi du.

Aurreko asteko lasterketako eroriko baten ondorioz, puntuekin hasi du lasterketa Lierni Lekuonak. "Lasai. Presarik gabe". Atzetik zetozen ziklistek harrapatu dutenean, pedal kolpea aldatu, eta ordura arte gordetako indar guztiekin, lehen heldu da Azkoagako helmugara.

Ibilbidea, oso siku

Azken asteetan euririk egin ez izanak, asko gogortu du Aramaioko Barajuen eta Azkoaga auzoen artean egokitutako ibilbidea. Bost kilometrokoa. Aldapa behera azkarrekin, eta aldapa igoera teknikoekin. Bada, lurra horren siku egoteak, oso fisiko bilakatu du proba. "Iazko ibilbide bera izan da. Iaz, oso lokaztuta, eta gaur, oso siku. Batera zein bestera, oso gogorra. Baina, gaur, bereziki, fisikoa izan da. Arnasari buelta emateko astirik eta lekurik gabe", esan du bukaeran Argider Isasti oñatiarrak.

Iritzi berekoa izan da Elite mailan hirugarren sailkatu den Ander Bengoa aramaioarra: "nahiago dut lokatza. Hiru alditan irten zait bizikletako katea. Gainera, asko sufritu dut".

Sailkapenak

Hemen maila ezberdinetako sailkapenak

Elite

  1. Cesar Manso
  2. Alexander Ordeñana
  3. Ander Bengoa

Open Scratch

  1. Lierni Lekuona
  2. Paula Suarez

Sub 23

  1. Aitor Izkue
  2. Javier Larrayoz
  3. Iñigo Sagardoi

Master 30

  1. Ander Lekuona
  2. Iñaki Carro
  3. Eneko Gonzalez

Master 40

  1. Martin Goikoetxea
  2. Urko Munduate

Master 50

  1. Ruben Glera

Juniorrak

  1. Mikel Olaetxea
  2. Gexan Albisu
  3. Xabier Txintxurreta

Open juniorrak

  1. Estibaliz Sagardoy
  2. Edurne Izkue
  3. Nahia Polo

Kadeteak

  1. Ander Biurrarena
  2. Elisandre Urze
  3. Alfonso Fernandez
Erlazionatuak

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak