Dulantzin jokatu da Arabako Bertsolari Txapelketako bigarren eta azken finalerdia, eta Iñaki Viñasprek eskuratu du puntu gehien, 330,5. Gaurko saiotik Oihane Perea (323) eta Aroa Arrizubieta (323) ere sailkatu dira finalerako; horiek eta Xabi Igoa, Manex Agirre eta Peru Abarrategi ariko dira hilaren 30ean Gasteizen. Paula Amilburu (314) eta Aitor Ugarte (310), biak laugarren euren saioetan –Amilburu, gaur–, zazpigarren eta zortzigarren geratu dira; finaletik kanpo, beraz.
Bi finalerdiak aintzat hartuta, puntuazio altuagoak izan ziren aurreko asteko Legutioko saioan gaurkoan baino; gaurko irabazleak, Viñasprek, aurreko astean hirugarren egin zuen Abarrategik baino puntu gutxiago eskuratu ditu. Dena den, finalean denak hasiko dira zerotik, eta egun hartan egin beharko du bertsotan txapela jantzi nahi duenak.
Dulantzikoari dagokionez, oso gustura ez dela aritu aitortu du ordezkari aramaioarrak, Paula Amilburuk –Beñat Garaio eta Rikardo Gonzalez de Durana ziren beste bi bertsolariak–, nahiz eta behetik gora joan omen den: "Puntu erantzunetan jardun dut gusturen".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
