Hasieran, Arbaizak hartu du partiduaren pisua. "Atzelaria denez, atzeratu egiten zizkidan pilota guztiak. Nik eustea lortu dut, eta ahal izan dudanean, aurrean jokaldiak egiten saiatu naiz", azaldu du Olaizolak. Hala ere, 10-4 aurreratu da Arbaiza. Orduan, erasokorrago jokatzen hasi da aramaiorra, airez gehiago sartzen, eta hamarna berdintzea lortu du.
Atsedenaldi baten ostean, Arbaizak berriz ere abantaila handia hartu du (17-10). "Amore emateko zorian egon naiz", dio Olaizolak. Hala ere, partiduan sartuta jarraitu du, arriskatzea erabaki, eta partiduari buelta eman dio azkenean (17-18).
Bi tanto errepikatu
17-14an bat. Arbaizak bi pareta bat egin ostean, pilotaasko zabaleratu da. Aurreko epaileak Arbaizari eman dio tantoa eta atzekoak, berriz, kanpoan egin duela botea. Azkenean, Olaizolari eman diote tantoa eta partiduan jarraitu ahal izan du, bestela amaituta baitzegoen.
17-17an izan da bestea. Txapan jo duela adierazi du batek eta ona izan dela besteak. Azkenean, peloteo luze baten ostean, arriskatu egin du Arbaizak, eta txapapera joan zaio pilota.