Alaiak jubilatuen elkarteak antolatutako mus txapelketa egin dute asteburu honetan, elkartean bertan. Bikote irabazleak urdaiazpiko bana eraman du etxera. Javier Trujillo eta Jose Maria Alvarez izan dira bigarren sailkatuak, eta kilo eta erdi inguruko bakailao bana irabazi zituzten.
Jesus Etxabe eta Simon Muñoz izan dira hirugarren onenak –gazta eta ardo botila bana–. Laugarren sailkatutako bikoteak ere saria izan du. Ardo botila bana eraman dute etxera Ramon Altunak eta Angel Astondoak.
Zortzi bikotek eman dute izena –ohi baino gutxiago–, eta ondoren 25 pertsona inguru batu dira mahaiaren bueltan, afaltzeko. "Giro ezin hobean egon gara, betiko moduan", azaldu du Miguel Loitik, antolatzaileetako batek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.