Aurreko urteetan bezala, herriko elkarte ugari arituko dira aurten ere kantuan herrian otsailaren 2an –zapatua–: Aramaixoko Bertso Eskolako, Triki Kalejira taldeko eta Bizente Goikoetxea eta Papargorri abesbatzetako ordezkariak aterako dira, Santa eskean. 10:00etan elkartuko dira, herriko plazan, eta goizean hainbat auzotan ibiliko dira kantuan. Bazkalostean, Ibarran abestuko dute. Aurrez, baina, bi entsegu egingo dituzte.
Eguenetan izango dira bi saioak, urtarrilaren 24an eta 31n, kultura etxean, 19:00etan. Ekimena lau eragile horiek antolatzen duten arren, deialdia herritar guztientzat zabalik dago eta guztiak daude gonbidatuta.
Kalez kale kantuan ibili ostean, guztiek elkarrekin bazkalduko dute, urteroko ohiturari jarraituz, eta urtarrilaren 24ko entseguan eman beharko da izena horretarako. Umeek 15 euro ordaindu beharko dute eta helduek, berriz, 20 euro. Bazkaria ehiztari txokoan izango da, 14:00etan hasita.