120 lagun elkartu dira gaur eguerdian Aramaion euskararen aldeko hiru herri lasterketetan parte hartzeko

Astelehenarekin dator aurten Euskararen Eguna eta hainbat ekitaldi daude iragarrita biharko ere. Gaur, ordea, kirol jantziak soinean ipini eta plazan egin dute hitzordua hainbat aramaioarrek euskararen aldeko hiru herri lasterketa egiteko.

Ez da sailkapenik egon, helburua ez baitzen irabaztea. Txirritola euskara elkarteak eta Udal Euskara Sailak elkarlanean antolatutako hiru zirkuitu proposatu dituzte eta nork bere gustukoa egiteko aukera izan du. Egon da hiruretan parte hartu duenik ere.

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.