Lapurrak sartu dira gazte lokalean eta asanbladaren egoitzan

Domeka gauean izan zen; lapurrek telebista eta bideo-kontsola eraman zituzten gazte lokaletik, eta apenas ezer ez asanbladaren egoitzatik. Okerrena eragindako endredoa izan dela eta gertatutakoak "amorrua" eragiten diela azaldu dute gazte asanbladakoek.

Kanpoko atean kristala apurtuta, barruko armairuak ere bai, eta gazte lokaletik asanbladaren gelarako ateko sarraila txikituta; eta dena hankaz gora. Horrela utzi zuten lapurrek gazte lokala eta asanbladak biltzeko erabiltzen duen gela. 

Lapurtutakoari dagokionez, telebista, bideo-kontsola... gazteen lokalean, eta disko gogor bat eta ezer gutxi gehiago gazte asanbladaren egoitzan. 

Lapurrak sartzen diren lehen aldia ez dela eta "nazkatuta" daudela azaldu dute gazte asanbladakoek publiko egin duten komunikatu batean.

Gazte asanbladakoek erabiltzen duten gela beste talde batzuk ere erabiltzen dute, Orixol mendizale elkarteak eta talde feministak, adibidez. Komunikatuan adierazi dute han biltzen diren eragileek ez dutela arazorik beste kolektibo edo pertsona batzuekin, eta gertatutakoak ez duela "azalpen logikorik", eta ez dela "mendeku" bat izan.

Aramaioko gazteria berriz indarberrituko dela ere badiote, eta beste herri batzuetako gazte eragileak ohartarazi dituzte, eurei gertatutakoa gerta ez dakien.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.