Bihar, zapatua, meza izango dute 12:00etan, Aretxabaletako abesbatzarekin –ondoren kontzertua eskainiko dute–; 13:00etan, bermut dantza; 17:00etan eta 17:30ean, mus eta patata tortilla txapelketak; 17:30ean, baita ere, umeentzako jolasak eta puzgarria; 19:30ean, tortilla txapelketako sari banaketa eta dastaketa; eta, 23:00etan, dantzaldia –ohera joan aurretik, txokolate beroa–. Domekan, 11:15ean, Arrasate Musikaleko txistulari banda; 12:30ean, txirrindulari igoera; 13:00etan, triki-poteoa; eta, 17:00etan, tute txapelketa.
Hurrengo zapatuan, berriz, kantu bazkaria egingo dute 14:30ean, musikariek lagunduta. WhatsApp bidez eman behar da izena, 669 94 65 94 zenbakian, eguaztena baino lehen.
Hiru egunetan kanpai errepikek eta etxafuegoek iragarriko dituzte jaiak.