'Ezagutu Aramaio'ren lehen bisita gidatua egin dute

Maialen Regueiro 2018ko urr. 21a, 14:22

Aramaioko Amillena elkarteak eta Udalak prestatutako ikasturtearen egitarauaren barruan dago Ezagutu Aramaio egitasmoa eta gaur, lehen bisita gidatua burutu dute. Goizeko 11:00etan elkartu dira 22 herritar eta Ibarran eman diote hasiera bisitari. Ibarran barrena ibilaldia egin eta herriaren historiari eta ondareari buruz jardun dute: bainuetxea, Bizente Goikoetxea, eliza, udaletxea, SastiÓa eta ekonomatua izan dituzte hizpide.

Bainuetxea

Lehenik garai batean bainuetxea izan zena ikusi dute. Izan ere, bainuetxearen historia 1827an hasi zen. 1861 eta 1881ean haunditu egin zen eta XX.mende hasieran itxi egin zuten. 1970ean, berriz eraikina bota zuten. 

Eliza eta udaletxea

Hurrengo geltokia eliza eta udaletxean egin dute. Izan ere, Aramaioko San Martin eliza neoklasikoa da. Horrez gain, udaletxeko multzoa ezagutu dute eta baita ekonomatoaren funtzionamendua ere. Azkenik, Bixente Goietxearen jaiotetxea ezagutzeko aukera izan dute. 

Hurrengo hitzorduak

Azaroaren 18an izango da hurrengo bisita eta kasu honetan, helburua natura interpretazioa izango da. Neguan etena egingo duten arren, martxoan familientzako bisita mitologikoa egingo dute. Apirilean, berriz, natura interpretaziorako irteera egingo dute eta hau gazteei zuzenduta egongo da. Betaurreko berdeak ekintza antolatu dute maiatzerako eta azkena, ekainean izango da eta Erdi Arorako bisita aurreikusi dute. 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak