Urkiolako araudi berriari alegazioak egin dizkio Udalak

Parke Naturaleko udalerrien garapen sozioekonomikoari buruzkoak eta ehizari dagozkionak dira, esate baterako.

Irailaren 10ean amaitu zen alegazioak jartzeko epea, eta Aramaioko Udalak egin ditu bereak. Batetik, proposatu du parkean dauden udalerrien garapen sozioekonomikorako plana egitea, eta egitea inguruko eragile sozial, ekonomiko eta instituzionalek parte hartuko duten prozesu baten bitartez: "Honela, parkeko baliabideen aprobetxamendu jasangarria bermatzeaz gain, inguruko jarduera ekonomiko, ekoizpen eta aprobetxamenduen hobekuntzak ekarriko dituzten aktuazio konkretuak jasoko dira".

Bestetik, Udalak dio "parkearen mugetatik kanpo baina inguruan dauden programek, planek zein proiektuek parkean izan dezaketen eragina edo inpaktua neurtzeko azterketak" egin behar direla, "parkearen kontserbazioa bermatzeko".

Hirugarrenik, araudi berriak parkean ehiza barrutirik ez dagoela dioela-eta, zuzentzeko eskatzen du Aramaioko Udalak –badagoelako–, eta Kondebaso-Albinagoia inguruari ehiza babesleku izaera kentzea ere bai.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.