Mattin Villares eta Jon Zozaya nagusi Aramaioko rallysprintean

Gaur azkarrena izan den autoa.

Lehia estua izan dute irabazleek Enrike Barrenetxea eta Anartz Onaindiarekin eta Aingeru Castro eta Alaitz Urkiolarekin –antzuolarra–. Azkenean, bi segundoren barruan sailkatu dira hiru autoak, hurrenkera horretan. Euskadiko txapelketako sailkapena zegoenean geratu da azken proba jokatuta.

Motor hotsak hartu du gaur Aramaio. Eguraldia lagun, ederki joan da rallysprinta. Gaurkoak bazuen nobedade nagusi bat: ohiko ibilbidea baina beste noranzkoan egin behar zutela autoek. Antolakuntza gustura geratu da aldaketarekin, parte-hartzaile gehienek ere begi onez ikusi omen dute-eta.

Bestelakoan, kolperen batzuk bai, baina nabarmendu beharreko istripurik ez, eta lehia estua lehen hiru sailkatuen artean. Gaurkoaren ostean, Euskadiko Rallysprint txapelketa Enrike Barrenetxeak eta Anartz Onaindiak irabazi dute, bigarren geratu dira Aingeru Castro eta Alaitz Urkiola antzuolarra, eta hirugarren gaurko irabazleak.

Maider Usandizaga oñatiarraren debutekoa ere izan da gaurkoa. Orain arte beti kopilotu lanean ibilia, bolantean aritu da gaur aurrenekoz –bera zen emakume gidari bakarra 52 parte-hartzaileen artean–, Leire Iturbe lagun, Ford Focusarekin. Pozik geratu da egindako lanarekin.

Erlazionatuak

Maider Usandizaga pozik, gidari bezala debutatuta

Aramaio Oñati

Aramaioko rallysprintean bolantean joan da, Leire Iturbe lagun zuela. 
Rallysprinta argazkitan

Aramaio

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.