Herriarteko txapelketatik kanpo geratu da Aramaio

Zapatuko partidu bateko unea.

1-2 galdu zuten aramaioarrek Maezturen kontra. Iragarpenak bete eta irabazi egin zuten kadete mailako partidua, baina gazte mailakoa ez zen espero moduan orekatua izan; 6-22 galdu zuen Aramaiok, eta seniorretan ezin izan zuen ezustekorik eman. Ondorioz, final laurdenetan amaitu da aramaioarren ibilia aurtengo Herriarteko pilota txapelketan.

Kadeteek erraz irabazi zuten euren partidua, 22-10. Gazte mailako partidua lehiatua izatekoa zen, baina lehen tantoak baino ez ziren halakoak izan; Aramaioko bikoteko atzelari Kintanari pilota bat sartu zitzaion eskuan, eta handik aurrera lanak izan zituen jokatzeko. Aurrean zuten bikotea bikote ona zen, gainera, baina eskuko arazo horregatik izan ez balitz lan handiagoa emango ziokeen Aramaiokoak.

Senior mailan, berriz, langintza zaila zuten aramaioarrek. 12. kartoian eman behar izan zuten amore. Pronostikoak bete eta Maeztuko aurrelariak erabaki zuen norgehiagoka. Frontoiaren berezitasunak aprobetxatuz eta sakearekin min handia eginez lortu zuten irabaztea etxekoek.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.