Puntuak batzen jarraitzeko asmoz, berriz ere etxean jokatuko dute aramaioarrek, Herriarteko txapelketaren bigarren jardunaldian. Aurrenekoan, kadete eta senior mailako partiduak irabazi zituzten Laudioren kontra, eta gazteena galdu. Txapelketa irabazteko faboritoetakoa den Gasteizen kontrakoa bihar, zapatua, 10:30ean hasiko da. Kadete eta gazte mailetakoak irabazteko modukoak ikusten dituzte aramaioarrek.
Lagun arteko topaketak
Domekan, berriz, Gorbeialdeko lagun arteko topaketen bigarren jardunaldia jokatuko da Aramaioko frontoian. Etxekoekin batera, Murgiako, Zigoitiko, Legutioko eta Urkabustaizko pilotariak ariko dira, eskuz binakako partiduetan, hastapen eta kadete kategorien artekoak. Pala partiduak ere izango dira.
Julen Olaizola txapeldun
Julen Olaizolak irabazi egin du Legutioko txapelketa, bertako pilotari Koldo Riorekin batera, 22-13, Lakuako bikotearen kontra.