Otsailaren 28ra bitartean eman daiteke izena apirilaren 3tik 5era Amurrioko aterpetxean izango den bertso barnetegirako. 10 eta 13 urte arteko neska-mutikoentzako ekimena da, oporraldian –pazko astea– euskaraz jolastu eta bertsoekin gozatzeko, inguruko natura eta kultura hobeto ezagutzeko, ondo pasatzeko.
"Jolasak, txangoak, eta bertsolarien bisitak izango dituzte hiru egunetako egonaldi hauetan, eta, noski, euskaraz eta hizkuntza protagonista izanik lagun berriak egiteko aukera paregabea ere bai. Aurreko urteetako esperientzia kontuan hartuta 100 haur baino gehiagok parte hartzea espero dugu", diote Arabako Bertsozale Elkartetik –hiru txanda izango dira–. 45 euro kostatzen da izen-ematea, eta udaletxean egin daiteke, edo bertara telefonoz deituta.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
