Aurtengo gaia Aramaixoko zirko mundiala! izango da eskolako Inauterietan. Eguraldi ona bada, arratsaldean, 14:00 inguruan, desfilea egingo dute eskolatik herriko plazaraino. Bertan, Sastinaren kanpoko espazioan banan-banan, zirkoko pertsonaia guztiek egingo dute aktuazioa. Bukaeran, denok batera dantza bat egingo dute. Ondoren, berriz ere desfilean eskolaraino joango dira. Eskolan, 15:30ean, gutxi gorabehera, sukaldariak prestatuko duen txokolatea eta bizkotxoak banatuko dituzte irakasleek.
Eguraldia txarra bada desfilea frontoiraino izango da. Eta, bertan, aktuazio guztiak, banan-banan, egingo dira, denek batera egingo duten dantzarekin bukatuz. Frontoitik eskolaraino txokolatea hartzera joango dira aurtengo Inauterien jaiarekin bukatzeko.