Arabako Bertso Kuadrilla Arteko txapelketako bigarren asteburua da oraingoa eta hiru saio egingo dira guztira. Atzo izan zen lehena, Aramaion –Oionen eta Agurainen dira beste biak, gaur, zapatua– eta herriko Ibabeko Bertaren bilobak taldekoak sailkatu ziren finalerdietara. Andere Arriolabengoa, Manex Agirre eta Xabi Igoa aritu ziren bertsotan. Aiaraldeko Alfreedo taldekoak izan zituzten aurkari etxekoek.
20:30 hasi zen afari formatuan, Marixeka Elkartean egin zen saioa. Aramaioko taldea zen antolatzailea eta Aramaioko kantuzaleak taldeak bertso sorta idatzia abestu zuen. "Oso ondo joan zen atzokoa. Guk saio txukuna egin genuen eta afarian oso giro ederra egon zen", dio atzokoaz galdetuta Xabi Igoa bertsolariak. Atzo finalaurrekora sailkatuta, hurrengo zita otsailaren 24an izango dute aramaioarrek, Amurrion.
Helburua herrian eragitea
Kuadrillartekoak Arabako bertso mugimendua bultzatu, indarberritu eta ikusarazi nahi du. Urtarrilaren 19an abiatu zen eta martxoaren 17an bukatuko da, Gasteizko Landatxon.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak