Borroka erakustaldia, bertsoak eta dantzak, Maider Undaren omenezkoan

Maider Unda olinpiadak bukatzeko, Aramaioko alaba kuttunak merezitako aitortza jaso du Udalaren partetik. Omenaldi hunkigarria egin diote herritarrek, eta berak, dakiena egiten eskertu die. Borroka erakustaldia egin du Koilili Lertxurdiren kontra. Otxandioko eta Gasteizko borrokalari gazteak ere egon dira Maider Unda kiroldegian.

2016ko azaroan esan zion agur eliteko kirolari Oletako borrokalariak. Ordutik, buru-belarri dihardu baserriko lanetan eta Otxandioko neska-mutikoei eskolak ematen. Tarteka, erakustaldiak egiten ditu. Aramaioko Udalak egin dion omenaldi ekitaldian ez du hutsik egin.

Hain zuzen ere, borroka erakustaldiarekin hasi dute ekitaldia. Otxandioko eta Gasteizko borrokalariek taldeka eta bikoteka egin dituzte ariketak. Txikienek jolasak eta helduek borroka. Giltza eta mugimenduak erakusketako borrokaldiak. Azkenengoan, Unda eta Lertxundi lehiatu dira. Biak ala biak dira Otxandioko eskolako irakasleak.

Bertsoak eta dantzak

Ostean hartu du hitza Lierni Altuna alkateak. Maider Undaren figura azpimarratu ostean, Oletako borrokalariak Aramaiori emandakoa jaso dute bertsotan Xabi Igoak eta Andere Arriolabengoak. Dantzarien aurreskuen ondoren, lore-sorta eta oparia jaso ditu Undak. Ekitaldia bukatzeko, kiroldegian ipiniko duten plaka erakutsi dute herritarren aurrean. Gaurtik aurrera, Aramaioko kiroldegia Maider Unda kiroldegia izango da. 

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.