Lehenengoa bihar, egubakoitza, izango da. Hain zuzen ere, Zirika Zirkus konpainiak Pantxika Lamur umorezko antzezlana eskainiko du kultura etxean, 21:00etan.
Bestalde, zapatuan eta domekan, autodefentsa tailerrak egongo dira kiroldegiko gimnasioan, 16:00etatik 20:00etara, Gorbeialdeko Kuadrillak antolatuta. Horrekin lotuta, Kuadrillak jakinarazi du haurtzaindegi zerbitzua egongo dela, baina aurrez eman behar dela izena horretarako, berdintasuna@gorbeialdea.eus helbidera mezu bat idatzita. Hogei pertsonarendako lekua zegoen, eta dagoeneko ez da lekurik gelditzen. Gainera, adin-tarte ezberdinetako emakumeek eman dute izena.
Azkenik, azaroaren 25ean elkarretaratzea egingo dute herriko plazan, 13:00etan.
