San Melixen jaiak ospatuko dituzte Gantzagan asteburuan

Gantzagako San Melixen jaietako irudi bat, 2015ean.

Zapatuan eta domekan izango dira ekintza nagusiak: Txapel Jaurtiketa Lehiaketa, bermut dantza, Tute Txapelketa, dantzaldia eta abar. Horrez gain, hurrengo zapatuan ere egongo da zertaz gozatu, izan ere, auzo bazkaria egingo dute eta azaroaren 15a baino lehenago eman beharko da izena, 669 94 65 94 telefonora whatsapp bat idatzita.

Zapatuan hasiko dituzte San Melixan jaiak, kanpai errepikekin eta etxafuegoekin, 09:00etan. 12:00etan meza nagusia egingo dute, Aretxabaletako abesbatzaren laguntzarekin. Meza bukatzean, abesbatza berak kontzertua eskainiko du. 13:00etan bermut dantza eta III. Txapel Jaurtiketa Lehiaketa egingo dute. Arratsaldea, berriz, mus txapelketarekin hasiko dute, 17:00etan. Ordu erdi geroago, patata-tortilla lehiaketa hasiko da –17:30ean–. 19:30ean, sari banaketa eta tortilla dastaketa egingo dute eta afalostean, 23:00etan, DJ Xaz-ek dantzaldia eskainiko du. Zapatuari bukaera emateko, azkenik, txokolate beroa banatuko dute, "barruak berotzeko".

Domekari ere kanpai errepikek eta etxafuegoek emango diote hasiera, 09:00etan. 11:15ean, Arrasate Musikaleko Txistulari Bandak kontzertua eskainiko du. Ondoren, 37. Gantzaga Saria txirrindularitza proba abiatuko da, 12:30ean. 13:00etan, trikipoteoa egingo dute, trikitilarien laguntzarekin. Arratsaldean, azkenik, Tute Txapelketa egingo dute, 17:00etan.

Bestalde, azaroaren 19an, auzo bazkaria egingo dute elkartean, 14:30ean. Sei Pistols Eta Trabuko Bat taldeak alaituko du bazkari hori. Aurrez eman beharko da izena, azaroaren 15a baino lehen, 669 94 65 94 telefonora whatsapp bat idatzita.

Ekitaldiak Zalgon

Zalgoko auzotarrek bertso afaria egingo dute zapatuan, 21:00etan, Xabi Igoa eta Manex Agirrerekin, Zubi-ondo elkartean. Aurrez, 9:00etan, auzoa garbituko dute, auzolanean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.