Zapatuan, auzoko hildakoen aldeko meza izango da 12:00etan eta ondoren umeentzako puzgarriak egongo dira, trikitilariek alaituta. 14:00etan auzo bazkaria egingo dute elkartean eta arratsaldean, berriz, mus txapelketa, 16:00etan hasita –parte-hartzea 20 euro bikoteko. Sariei dagokienez, bikote irabazleak batutako diruaren %50 eramango du, bigarrenak %30 eta hirugarrenak %10–. 17:30ean, Tor magoaren ikuskizun berezia egongo da eta 18:30ean, txokolatada. Bitartean, dantzaldia eskainiko du Maddalen Arzallus eta Harkaitz Allur bikoteak. Iluntzean, afari zerbitzua eskainiko da elkartean, parrilla piztuta eta ondoren, dantzaldiak jarraituko du. 23:00etan, Murumendi Elkarteko XXXV. Bolo Txapelketa egingo dute –parte-hartzea 10 euro. Lehenengo sailkatuak trofeoa, txapela eta 200 euro eramango ditu, bigarrenak trofeoa eta 150 euro, hirugarrenak 80 euro eta laugarrenak 40 euro. Murumendi elkarteko lehen sailkatuari sari berezia emango zaio.
Domekan, mendi irteera egongo da, 10:00etan elkartetik abiatuta. 12:00etan, meza, Aramaioko abesbatzak lagunduta eta 13:00etan, Vermouth dantzaldia, Harkaitz Allur eta Maddalen Arzallusen eskutik.
