"Diagnosi honen aurkezpenari esker, datuak, emakumeen ibilbideak, prebentzio zerbitzuak eta bestelako datu interes eta garrantzitsuen berri izango dugu", azaldu du Kuadrillak.
Berdintasun foroa, 29an
Bestalde, Emakundek, Emakumearen Euskal Erakundeak, XIV. emakumeen eta gizonen arteko berdintasunerako gunea martxan jarri du; erakunde publikoek eta pribatuek gizonen eta emakumeen berdintasunaren alde antolatzen dituzten hainbat ekimenen urteroko topaketa.
Aurten, 2017ko irailaren 25etik abenduaren 15era izango da. Autobus ibiltari bat EAEko herrietara helduko da eta gunearen ekitaldien lekua izango da.
Hala, autobus ibiltaria irailaren 29an, egubakoitza, iritsiko da Aramaiora, eta eskolako gazteak bertara gerturako dira, berdintasunari buruzko tailerrak egitera eta formazioa jasotzera, berdintasun teknikari aditu baten eskutik.
2017 Guneak Martxoaren 8ko kanpainaren lelo bera izango du: Berdintasuna nire baitan ere hasten da: "Pertsona guztiok daukagun erantzukizunarekin, eguneroko ekintzen eta jarreren bidez, berdintasuna bultzatzeko".