San Martin eskolako azken jaia ospatu zuten zapatuan Aramaion. Lehen Hezkuntzako 6.mailako ikasleen pregoia entzun ondoren, erraldoi eta buruhandien kalejira egin zuten herriko plazaraino. Ondoren, tailer ezberdinak, bazkaria, bingoa eta euskal jolasak egin zituzten.
Sokatira, oskol batzea, sako-lasterketak eta abar egin zituzten bazkalostean. "100 pertsona inguru elkartu gara eta ederto pasatu genuen. Aurtengo berrikuntza nagusia izan da eskolan zeuden lau buruhandi berreskuratu eta konpondu direla, eta Aretxabaletako erraldoien laguntzaz, kalejira ederra eduki genuela. Oso polita izan zen eguna eta ederto pasatu genuen", adierazi dute ikastetxetik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.