Bi bisita gidatu Aramaion, Gorbeialdeko Kuadrillaren eskutik

Eneko Azurmendi 2017ko api. 11a, 13:22

Gorbeialdeko Kuadrillatik bisita gidatu desberdinak antolatu dituzte Aste Santurako, eta hurrengo egunotan bi izango dira Aramaion. Apirilaren 13an, eguena, Oletako Atxeta gaztandegia ezagutzeko aukera izango da eta apirilaren 16an, berriz, erlezain baten lana gertutik ezagutu ahal izango da, Uribarri auzoan.

Guztira hiru bisita gidatu antolatu ditu Gorbeialdeko Kuadrillak:

Batetik, apirilaren 13an, eguena, Oletako Atxeta gaztandegia ezagutzeko aukera izango da. Maider Unda kirolari ohiak eta artzainak artaldea erakutsiko die bisitariei, eta gazta egiteko prozesua ere bai. Gazta probatzeko eta dastatzeko aukera ere edukiko dute bertaratutakoek.

Bestetik, apirilaren 15ean, zapatua, Baias garagardotegian izango da hitzordua. Gorbeia mendiguneko Baias errekatik hartutako urarekin artisau lanaren bidez eginda dagoen garagardoari buruzko xehetasun guztiak jasoko dituzte bisitariek, Joselu Lopez eta Idoia Marañonen eskutik. Instalazioak ezagutu eta egiten diren garagardo mota ezberdinak dastatuko dituzte bertan.

Azkenik, apirilaren 16an, domeka, erlezain baten lana gertutik ezagutu ahal izango dute bisitariek Uribarri auzoan, Juan Mari Arriolabengoaren eskutik. Erlauntzak gertutik ikusi ostean, Aldeko eztiaren erauzketa tailerrean jarraituko dute azalpenek. Gainerako bisitetan bezala, produktua bera ere probatuko ahalko dute bertaratutakoek.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak