Urtarriletik itxita egon da eta orain Arbel kooperatibak hartu du herriko dendaren ardura. Aurrerantzean, beraz, aramaioarrek herrian bertan egin ahal izango dituzte ohiko erosketak. "Edozer gauza erosteko Arrasateraino joan behar izatea ez da erosoa. Alde ederra dago herrian bertan erosi ahal izatea", dio herritar batek.
Ordutegiari dagokionez, astelehenetik egubakoitzera 9:00etatik 13:00etara eta 16:30etik 19:30era egongo da irekita, eta zapatuetan goizez bakarrik, 9:00etatik 13:00etara. Domeketan, berriz, itxita egongo da. Irekiera ofiziala gaur izan da, 11:00etan.
Esan moduan, orotariko produktuak egongo dira salgai aurrerantzean Kintelena dendan, eta aramaioarrek ez dute herritik mugitu behar izango ohiko erosketak egiteko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.